يرحم الله غاليٍ نزلوهـ تحت التراب

من طرف فتى المجمعه الإثنين مارس 29, 2010 10:23 am

بسم الله الرحمن الرحيم

هذي قصيدة كتبتها بعد وفاة ابوي الغالي اسأل الله يغفر له خطاياه ويجعل مثواه الفردوس الاعلى من الجنه ....
في الحقيقه بدايتها ضيقتي من دنيتي وتواليها طريت ابوي لانه من ترك هالدنيا وهي بعيني اسود وأبيض معد تسوى
.

.

ليت الحزن قطعة بوسط الجوف وازيلها
ليت الهم يرحل عن نواظر عيوني ويتركني

أوقات احس ودي اشق ضلوعٍ صلت فيها
نار تضوي ومن لهبها تذرف دموعي وتحرقني

اه لو انتزع من الحشا مايكدّر حياتي ويعنّيها
بس من يسمع الاهات ! يفتح صدره لي ويفهمني !

من يآخذ الامي والزفرات اللي تلاقيني وآلاقيها
من يجمع شتات كان بداخلي وانتثر مني ؟

لو اشتكي صفحات الدفاتر حبر الاقلام ماتوفيها
كثر المواقف سببت لي حزن فوق حزن فوق حزني

احاول اسلي خاطري احيان باسم اني اسليها
ولكن حقيقه ماسلا غير رسمة شفاة ظهرت مني

ياما غرقت محاجر عيوني والوجن كاويها
دمـــــعٍ تهلهل على الاوجان ويجرحنــــــي

ماارتاح لين اغفى ودمعي على الاهداب يسقيها
يتساقط على خدي واحس برودته بالغفوه تلامسني

احيان ارفع راسي لاتطيح دموعي واخبيها
يوم اني سمعت الميت يعذب من لوعة مني

ومااتصبـــــر اساير هالدموع الا وتواليها
انفاس تزاحمت بالصدر غصب عني تتعبني

وانا اعجز اكتم الحزن عند البشر والروح ألهيها
وأحبس العبرات لاتهل على الخد وتفضحني

احاول اترجم احساسي وحالتي وماحصل فيها
ولو انه مايوفي من اللي اعانيــــه ويذبحنــي

ليل امس بكيته ووسادتي الدمـــع ماليها
بالليل الاظلم والسكون حولي محد درى عني

مسحت دموعي ودعيت الله اول القصيدة وتاليها
تغفر له مامضى من ذنب وترحمه ياذو الفضلِ والمنِ

يرحم الله غاليٍ نزلوهـ تحت التراب 1535806853266928832

يرحم الله غاليٍ نزلوهـ تحت التراب 1535806853266928832